Lüüd, snackt Platt!
Snackt Platt, woneem dat mööglich is. Sünst geiht düsse schööne Spraak mit unse Generatschon to Grunn.
Dat gifft vandaag toveel „sale“ un „coffee to go“ un to veele Lüüd, de keen Platt mehr snacken köönt, oder wullt, dat unse Kinner woll de Letzten sünd, de Platt wenigst noch verstaan köönt.
Dat sünd so de Wöör, de Uwe Blöcker jümmers als erstes seggt, wenn Du em dröpst und he anfangt to snacken.
So weer datt ook in „Naberhuus“ von de BGFG in Niendörp, as he an Dingsdag den 15. April to’n Vörleesen dor weer. Acht Tohöörer harr he. Harrn geern poor mehr wesen kunnt, avers vör’t eerste Maal weer’n wi all ganz tofreden.
Uwe Blöcker seggt ganz richtig, watt acht tofredene Lüüd de wedderkommt beter sünd, as twintig untofredene, de sick langwielt un datt neegste Mal to Huus blievt.
Nu mööt wi dat blots noch op de Reeg kriegen, watt dat een „Neegst Maal“ ook wirklich gifft.
Avers, dor snackt wi noch över.
Ick heff noch twee Billers bipackt, dormit ji sehn köönt, wie de Uwe Blöcker utsehn deit.
Na denn: „Adjüst ook.“
Juun Wolfgang Schwarz. Na kloor, un de Redaktschon